بعد ما قربت أكمل 4 سنين من الأمومه.. اكتشفت فجأه اني أم ممله،،،،مش مرحه ومش مستمتعه بتربيه ابني زي ما توقعت،،،!!يمكن لأن الأم بيكون عليها أعباء كتير بتأديها كل يوم في روتينيه ،،،،بس ده مش مبرر الحقيقه لاني اندهشت لما لقيت أمهات تانيه بتحاول تبدع وتبتكر أنشطه مختلفه كل يوم للأطفال عشان يتعلموا ويتسلوا وكمان يقربوا من بعض ويحصل نوع من التفاهم أكتر مابين أفراد العائله ..فحسيت وقتها ان التقصير مني أنا في أهم دور المفروض اني أقوم بيه،،،وان الموضوع مش مقتصر على تلبيه الحاجات الأساسيه للطفل زي الأكل والنظافه والرعايه،،ولكن الموضوع أعمق من كده ولازم كل أم تبذل شويه مجهود وتفكر وتتكتك ازاى تنمي مهارات ولادها بطريقه مبتكره،،،ولازم كمان الأم تشارك ولادها في الأنشطه دي وتتجنن زيهم،،، ونبطل بقى شويه دور الإشراف والتوجيه اللي بيخلينا ننسى اننا ستات يعني المفروض نكون أرق من كده شويه،،،والله يكون في عون ولادنا من التكشيره اللي بنوريهالهم،،ويكون في عون اجوازنا من الجعير اللي بنسمعهلهم
وبعد تفكييييييير قررت اني أبدأ أدور في المواقع المختلفه على أنشطه ممكن تعجب ابني،،،والحقيقه لقيت أطنان من الأفكار الرائعه اللي ألهمتني لأفكار جديده كمان،،،وفكرت انها حتكون فكره حلوه لو شاركنا بعض كأمهات بتجاربنا مع ولادنا ونشجع بعض على ابداع أنشطه جديده ومميزه ونشوف ايه تأثير ده على علاقتنا بولادنا
ودول شويه مواقع ممكن تكون مفيده لينا
(and finally...... (busy hands.. busy minds
No comments:
Post a Comment