أول نشاط النهارده سهل ومتوفر وماكنتش متوقعه رد فعل ابني انه فعلا عجبه اوي رغم اني كنت مستتفهه الفكره.....كل اللي احنا محتاجينه
- طبق بلاستيك
- لعب بلاستيك صغيره
- مياه
- فريزر
حتحطي شويه من اللعب في الطبق البلاستيك وعليهم شويه مياه وتجمديهم في الفريزر....وبعد ما يجمدوا تحطي شويه لعب كمان وشويه مياه وتحطي في الفريزر ,,,,,,وهكذا حسب حجم الطبق
لييييييييييييييييييييييييييييييه؟؟؟؟
عشان اللعب تكون موجوده في كل قطعه التلج وماتتركزش في قاع الطبق بس
بعد ماتجمد المياه كويس حطي الطبق تحت الحنفيه لثانيه عشان تقدري تفكي قطعه التلج وتحطيها في أي وعاء غويط
ابدعي في الأدوات اللي ممكن يستخدمها الطفل عشان يسيح التلج أو يكسره عشان يوصل للعب (بس طبعا بلاش آلات حاده)
ممكن أدوات البحر أو معالق أو مياه دافئه
مش قادره أوصف فرحه أحمد كل ما كان بيطلع لعبه من التلج,,,,وطبعا لازم تشرحي إن التلج كان أصله مياه ولما حطيناه في الفريزر اتجمد وأصبح تلج وازاي التلج بيسيح لما بيطلع من الفريزر وبيبقى مياه تاني
وده بعد انتهاء المعركه
تسلم الايادي وبالتوفيق
ReplyDelete