تجربه علميه معمليه

في المعمل

عجبتني الفكره دي من أحد المواقع,,,,,وهي فكره ان الطفل يجرب ويشوف بعينه تجربه كيميائيه سهله .....ويمكن كان في كتير مننا جربوها وهم صغيرين,,,,بس ولادنا لسه ماجربوهاش (أصلنا أحيانا بننسى الحقيقه دي) ....والتجربه ببساطه هي إضافه 

1-بيكربونات الصوديوم

2-ألوان طبيعيه(وممكن الإستغناء عنها)

3-خل

لما بنضيف الخل على بيكربونات الصوديوم بيتفاعل معاه طبعا وبيفووووور وده بيبسط الطفل جدا والألوان الطبيعيه في الحاله دي بتظهر التجربه أكتر

حلو ان الطفل يحط ايده في الطبق عشان يحس بالتفاعل

وطبعا لازم نشرح المكونات حتى لو الطفل مافهمش حاجه

☻☻الخسائر

1-زجاجه خل كامله

2-بسذاجه فادحه ماحطتش أي حاجه تحت الطبق فطبعا المفرش اتغرق

3-ماكنش عندي ألوان طبيعيه فاستخدمت بودره الروجاجو بتاعتي!!