أحدث أفراد العائله

فافا

لأني مؤمنه إن الطفل لازم يكون عنده حيوان أليف,, لأن ده بيعلمه ازاي يعتني بكائن ضعيف وازاي يكون رحيم معاه,,فاتهورت واشتريت أحدث عضو من أعضاء العائله ........... السلحفاه فافا

وطبعا صعب يكون فيه أم مش عارفه مين فافا ( كارتون بطلته السلحفاه فافا على قناه براعم)

وفافا بتاعتنا سلحفاه صحراويه (أصل طلع إن السلاحف ماركات كمان) المفروض إنها معمره وفي الشتاء بتدخل في بيات شتوي

والميزه فيها كحيوان أليف إنها هاديه وتنظيفها سهل وأكلها متوفر ومابتنقلش أمراض 

وطبعا دودو طاير من الفرحه بيها وفرحان انه بيأكلها ومستغرب هي ليه مش بتلعب معاه بلعبه مع انه استعرض عليها بلعبه كلها... واتفقنا ان مسئوليته حتكون انه ينضفها بكلينيكس مبلول ويأكلها كل يوم

وبنصح الأمهات اللي ولادهم ماعندهمش حساسيه من كائنات معينه انهم يجيبوا لولادهم أي حيوان أليف زي السمك مثلا عشان الطفل يتعلم تحمل المسئوليه ويشوف ازاي اللكائنات دي بتعيش وبتاكل ايه ....وأخيرا ربنا يخليك لينا يا فافا كفرد من العائله 

أصغر أفراد الأسره ....بارني وفافا

بارني من انتاجي بالكروشيه ومعزته من معزة أحمد بالضبط

the youngest members of my family,,,Barney and Fafa