بيكي و ميكي

 pipe cleaners 

وهو من الخامات الرائعه اللي بيتعمل منه أعمال كتير وهو عباره عن سلك حواليه زي شعر قصير بيستخدم في تنضيف ( البايب)

وانا اشتريته من المنشيه من محل بيبيع البايب ومستلزماته لاني بحتاجه في عمل بعض الأشياء في الكروشيه....المفروض إن فيه منه ألوان كتير بس مش عارفه هي متوفره هنا ولا لأ!!!

الميزه فيه انه بيكون  سهل في تشكيله وممكن يتعمل منه حاجات كتير

وعجبني شكل البنت دي وقلت أجربه مع أحمد وهو كمان فرح اوي لما خلصها رغم انه لسه مش بيعرف أوي يتحكم في الشكل وطبعا بيحتاج مساعده

 خطوات عمل الشكل على اللينك دهhttp://familyfun.go.com/crafts/pipe-cleaner-crafts-peppy-ple 66374/

1-نتني السلك على شكل حرف v وبعدين نعمل حلقه

2-نلف السلك أكتر من مره عشان نعمل الجسم

3-نلف pipe cleaner تاني على قلم

4-ندخل السلك الملفوف في الجسم

5-نقص pipe cleaner من النصف وندخل جزء منهم في الحلقه اللي فوق الجسم عشان تكون الذراع

6-نلف واحده تانيه على قلم نعمل بيها شكل كروي عشان تكون الرأس

7-ندخل الرأس في الحلقه ونتني اليد والرجل

ممكن نضيف شعر من خيط أو من pipe cleaner لون تاني وممكن نلزق عينين بلاستيك أو زراير☺☺

♫إبداعي أنا ودودو......

وأخيييييرا.....بيكي وميكي♥♥